Reperi i njohur, Stresi ishte mes të ftuarve të kësaj të shtune në “Shiko Kush Luan”. Ai njihet për rivalitetin e hapur me Noizyn, që hera-herës ka tejkaluar konkurrencën muzikore dhe është kthyer në një konflikt personal.
Në njërën nga lojërat, Stresi u vendos përballë një pyetjeje të vështirë.
“Do të zgjidhje të këndoje një këngë të Noizyt apo të mos dëgjohej më asnjë nga këngët e tua?”
Kjo ishte pyetja që Stresi iu përgjigj duke thënë se po i surprizon të gjithë.
“Po ju surprizoj! Po them që ‘Po’ do ta këndoja”, ishte përgjigjja e tij.
Një tjetër pyetje e vështirë ishte edhe ajo nëse do të kishte mundësi të shpëtonte vetëm një njeri, kë do të zgjidhte, mamanë apo të dashurën. Stresi zgjodhi të shpëtonte mamin dhe ne shpresojmë që të dashurës së tij mos i ketë ngelur qejfi.
