Ndodh jo rrallëherë që mediat bëjnë gabime dhe ngatërresa të shumta, por kjo e fundit që ka ndodhur me një gazetë islandeze i ka kaluar kufijtë.
Pre i këtyre lajmeve ka qenë këngëtari i famshëm, Ed Sheeran. Fansat e tij u tronditën kur panë foton e tij në njoftimin e vdekjes nga gazeta islandeze.
Ndërkohë personi në të vërtetë që kishte ndërruar jetë ishte Svavari Gunnari Sigurðsson, një mekanik i cili punonte në një ndër kompanitë e prodhimit të makinave të njohur.
Gazeta në fjalë kishte përzgjedhur foton e Sheeran për të njoftuar lajmin e dhimbshëm. Ed është shumë mirë dhe duket se ka pasur një gabim në botim ndërkohë pritet që gazeta të kërkojë ndjesë publike me arsyen e tyre.
