U hodh sot në Lozanë të Zvicrës, shorti i Ligës së Kombeve, turneu më i ri i UEFA-s. Në këtë short, Shqipëria ka mësuar kundërshtarët për të nisur rrugëtimin për arritjen e Europianit. Ajo ishte pjesë e divizionit C, në vazon e dytë me Greqinë, Serbinë dhe Norvegjinë.
Shorteu i hedhur mesditën e sotme përcaktoi Shqipërinë si pjesë të grupit të parë, ku do të ketë sërish një përplasje me Izraelin dhe Skocinë.
Grupi C1 do të ketë vetëm këto 3 skuadra në grup.
Ndërkohë që Kosova bën pjesë në grupin e tretë ku do të përballet me Azerbajxhanin, Ishujt Faroe dhe Maltën.
Fituesja e secilës Ligë (4 të mundshme) kualifikohet në Europian. Nëse ndonjë nga skuadrat e ka siguruar kualifikimin nga eliminatoret tradicionale, atëherë shkon skuadra e radhës nga faza “PlayOff”.
