Shumica nga femrat më të bukura në botë kanë një gjë të përbashkët, vetullat elegante. Audrey Hepburn realizoi vetullat perfektë, ndërsa Marilyn Monroe gjallëruese realizoi një vetull me formë këndi.
Format e bukura të vetullave mund t’i bëjnë sytë që të duken më të mëdhenjtë, ndihmojnë çdo asimetri në fytyrën tonë dhe mund të na bëjnë të dukemi më të reja.
Për këtë arsye femrat britanike shpenzojnë një shumë rreth 2.3 miliardë në vit duke perfeksionuar të tyret, ndërsa pjesa tjetër qëndron me piskatore në dorë duke i rregulluar.
Ndërkohë që vetullat hollohen me kalimin e moshës, mbushja e tyre me laps ose pluhur është shpesh një mënyrë e shpejtë dhe e thjeshtë. Por Dukesha e Kembrixhit u shfaq këtë javë me vetulla më të trasha dhe më të errëta, duke treguar se mbushja e vetullave mund të ketë edhe efekt të kundërt.
Kate Middleton tërhoqi vëmendjen me qese dhe hije poshtë syve, duke e bërë lëkurën poshtë syve që të dukej më e vjetër. Vetullat e saj ishin në mënyrë të dukshme më të errëta dhe më shumë të trasha se sa kur u fotografua për herë të fundit në dhjetor dhe duket se i kishte mbushur me një laps të zi për vetullat, duke e bërë të djathtën më të theksuar se e majta.
Si një nënë 34-vjeçare e zënë me dy fëmijët e saj, nuk është ndonjë surprizë që Dukesha i është drejtuar make-up-it si një përpjekje për t’u dukur më e re. Kate nuk ka një make-up artist, kështu që ajo kujdeset vetë për vetullat e saj, por në fakt paraqitja e saj e fundit u kritikua shumë.
Disa prej komentuesve shkruajnë se ajo duket më e vjetër, ndërsa vënë në dukje ndryshimin mes dy vetullave. Në fakt vetullat e Kate kanë ndryshuar shumë që nga paraqitja e saj e parë kur nisi të takonte William në vitin 2003.
Burimi: Daily Mail
