Peshëngritëses shqiptare, Romela Begaj, në testin e anti-dopingut iu zbulua se ka përdorur substancën e “Stanozolol”-it. Me të njëjtën substancë ajo rezultoi pozitive edhe në testet anti-doping të 2014-n, pas Botërorit të Kazakistanit.
Por çfarë është “Stanozolol”-i?
Kjo substancë ndihmon në rritjen e masës muskulore, shtimin e rruazave të kuqe në gjak dhe forcimin e kockave. Ky lloj “dopingu” nuk është një risi në botën e sportit, pasi në të kaluarën shumë sportistë kanë paguar pasojat e përdorimit të tij.
Për herë të parë, kjo lloj substance u soll në treg në SHBA, nga Vinthrop nën emrin “Vinstrol” dhe në Europë nga partneri i Vinthrop – Bajer, nën emrin “Stromba”, në vitin 1962, “Stanozolol”.
Kjo substancë përdoret edhe sot te personat që bëjnë palestër, por mbi të gjitha kjo substancë është shumë e njohur edhe në arenën veterinare, për të rigjeneruar kafshët, si kuajt, apo edhe qentë, nga patologjitë që ato mund të përballen.
