Sara Hoxha feston sot ditëlindjen e saj të 22-të. Ndryshe nga motra e saj, Lori, Sara preferon ta festojë ditëlindjen në një ambient të ngushtë familjarë.
Kjo ditëlindje është e veçantë për Sarën sepse ka në krahët e saj dhuratën më të madhe që i ka dhuruar Zoti, djalin e saj London. Që në orët e para të mëngjesit ajo ka postuar një foto në “Instagram” ku shfaqet së bashku me London-in.
“Kjo ditë nuk mund të ishte më e ëmbël”, ka shkruar Sara krahas fotos, ku shihet edhe torta e ditëlindjes.
Ndërkohë nuk ka munguar edhe një urim special nga motra e saj Lori.
“Falënderoj Zotin që në këtë ditë zgjodhi të lindje ti sepse nuk e di se si do ta kaloja jetën time pa ty. Ti i bën jetët tona edhe më të mira. Të dua shumë”, ka shkruar Lori në një postim në “Snapchat”.
