Endrit Mërtiri dhe Aurela Hoxha kanë qenë miq të ngushtë dhe prej vitesh kanë bashkëpunuar së bashku në projekte të ndryshme fotografike.
Por së fundmi me sa duket marrëdhënia e tyre është në krizë. Endriti para dy ditësh festoi ditëlindjen dhe në “Instagram”-in e tij mungoi urimi i përvitshëm që Aurela i bën fotografit të njohur. Jo vetëm kaq por ajo nuk ishte e pranishme as në festën e ditëlindjes që ai organizoi me miqtë e tij.
Duke u nisur nga këto detaje dhe nga heshtja e Aurelës u aludua se dyshja nuk flasin më me njëri-tjetrin. I ftuar sot në “Wake UP” në “Top Channel” Endriti u pyet për Aurelën, por ai e konsideroi si diçka personale dhe nuk preferoi të fliste.
“Mesazhet vijnë në vende të ndryshme. Nuk kam ndërmend të sqaroj njeri. Janë disa gjëra personale që unë zgjedh t’i mbaj për vete. Edhe nëse do ta prishim marrëdhënien, s’do ta bënim publike. Mediat e ekzagjerojnë”, është shprehur Mërtiri.
Por mënyra e të shprehurit që ka përdorur Endriti na ka lënë të kuptojmë se në fakt marrëdhënia e tyre nuk është ashtu siç ka qenë më parë dhe diçka ka ndodhur mes tyre.
