Meshkujt e njohur shqiptarë njihen për stilin e veçantë dhe të veshurit bukur. Ndaj dy prej tyre, kemi pasur fatin t’i shohim në Javën e Modës në Firence të Italisë.
Dizajnuesi Valdrin Sahiti dhe prezantuesi i NIN në Klan Kosova, Alaudin Hamiti, kanë tërhequr vëmendjen mes shumë meshkujve të tjerë që morën pjesë në Pitti Uomo, edicion që zhvillohet dy herë në vit e që përbën një prej platformave më të rëndësishme të eventeve në botën e modës për meshkujt.
Djemtë, shpesh edhe duke i paraprirë tendencave, me një stil unik kësaj radhe i janë bashkuar shumë personave me të njëjtin pasion, në Firence të Italisë.
Nga çfarë kanë postuar në rrjete sociale, Alaudini dhe Valdrini janë takuar me ikona të ndryshme të modës nga e gjithë bota, përfshirë meshkuj që ndajnë të njëjtin pasion në Korenë e Jugut.
