Tre ditë më parë ish-Miss Shqipëria solli në jetë fëmijën e saj të parë Luxifer, i cili do të ketë dy nëna.
Teksa emri i djalit të saj prej javësh është përfolur në media si një emër i veçantë dhe i pazakontë, një pjesë e mirë kanë ngatërruar kuptimin e tij duke e krahasuar me Luçifer-in, emrin e djallit.
Ajo tregoi gjatë një interviste në “Top Albania Radio” se ky krahasim është thjeshtë një ngatërresë si pasojë e mosinformimit të publikut. Ajo është shprehur se emri Luxifer (lyksifer) nuk është një emër francez, por latin. Nga latinishtja ‘lux’ do të thotë dritë, ndërsa ‘fer’ mbajtës, pra mbajtësi i dritës.
Gjithashtu ajo ka treguar se procesi i saj i lindjes pati vështirësi të shumta dhe për këtë fakt zgjati rreth 4 ditë. Egla ka shtuar se 3 ditët e para, Francën e goditi një stuhi e fortë, ndërsa në ditën e 4-t kur lindi Luxifer, dolën rrezet e para të diellit. Këtë gjë ajo e ka konsideruar si një ogur të mirë për foshnjën e porsalindur.
Kujtojmë se “Miss Shqipëria 2007” është në një lidhje poligame me Jarl Alexandre Ale de Basseville dhe një partnere të tretë femër.
