Kilogramët e tepërt nuk është e lehtë që të zhduken, por pavarësisht tyre të gjithë duam të dukemi bukur në sytë e të tjerëve. Problemi jonë i përditshëm është se si të vishemi që të dukemi sa më elegantë, duke i fshehur kilogramët e tepërt nëpërmjet veshjeve tona. Disa truke të vogla na vijnë në ndihmë në këtë rast
Xhinset
Lërini të jenë të gjata deri në fund të këmbëve, nëse i palosni, ato do të “shkurtojnë” gjatësinë tuaj, dhe vishini me bluza të holla të masës së trupit tuaj. Do të krijoni një imazh ndryshe nga pulovrat e gjëra me xhinse të palosura.
Fundi
Nëse nuk ndiheni rehat me shëndetin tuaj, s’keni pse e manifestoni në çdo mënyrë. S’keni pse visheni me të gjëra për të mbuluar trupin tuaj. Duke gabuar në këtë mënyrë, ju “gënjeni” të tjerët se jeni edhe më e shëndoshë. Vishni rroba të masës suaj dhe kombinojeni me një xhaketë apo hidhni diçka sipër do e shihni që dhe vetë do të ndiheni më mirë me pamjen tuaj.
Pantallonat
Nuk keni pse i ngrini lart pantallonat dhe të shkurtoni bustin tuaj. Me një bluzë që mbulon pjesën e përparme të pantallonave ju do të dukeni më këndshëm.
Fustani
Nuk keni pse “futeni në thes”. Zgjidheni fustani pas trupit, por jo të ngushtë dhe sigurohuni të ketë motive a dizanje që krijojnë idenë e një beli të ngushtë. Ky është një truk fantastik që do të ju tregojë të mrekullueshme.
