Xhemi dhe Arbana janë mikesha prej vitesh. Dy moderatoret simpatike kanë treguar se miqësia e tyre i ka rezistuar kohës dhe ato ndajnë me njëra-tjetrën shumë momente shoqërore, familjare madje dhe profesionale.
Dje ishte ditëlindja e Xhemit dhe Arbana në bashkëpunim me Eno Popin janë kujdesur që t’ia shndërrojnë këtë ditë në një nga më të bukurat e jetës së saj. Surprizat kanë filluar që në mesnatë kur Arbana dhe Eno i kanë shkuar poshtë shtëpisë për t’i uruar ditëlindjen. Arbana postoi dje një video ku shihet Xhemi e veshur me tuta sportive dhe çizme dhe kërcente me Enon.
Por surprizat e Arbanës për Xhemin nuk kanë mbaruar. Në fund të ditës Arbana postoi në “Instastory” disa foto që Xhemi nuk do të donte t’i shihte kurrë.
Fillimisht Arbana postoi një foto ku i uron ditëlindjen Xhemit, dhe pas saj kanë pasuar foto nga momentet që ato kalojnë bashkë, madje për disa prej tyre Arbana është e ndërgjegjshme që Xhemi do e vrasë.
“Ajo do të më vrasë që e postova këtë”, shkruan Arbana në foton ku Xhemi shihet e maskuar si mashkull për ndonjë rol në “Portokalli”.
“Ajo i urren selfiet në ashensor”, shkruan Arbana në një foto tjetër.
