Dashi
Viti 2018 do të kërkojë prej jush që të veproni me maturi dhe të rishikoni busullën e brendshme të orientimit, sepse është një periudhë ndryshimesh të mëdha në disa sfera që do të shpërblehen më së miri në fund të vitit.
Në aspektin profesional, ju të lindurit në shenjën e Dashit keni hedhur hapa të mëdha përpara dhe keni arritur objektiva të rëndësishme. Tashmë duhet t’i mbroni arritjet tuaja nga konkurrenca, nga paqëndrueshmëria vetjake, por edhe nga polemikat. Mund të hasni persona konfliktualë që bëni mirë t’i shmangni. Në fundvit, Jupiteri dhe Shigjetari do t’ju sjellin rezultate të shkëlqyera në sferën financiare.
Në aspektin sentimental, dashuria do të jetë e paparashikueshme. Do të jetë një vit plot ndjenjë për ju miq të shenjës së Dashit. Urani në shenjë ka sjellë surpriza pozitive, por edhe ndodhi të pakëndshme. Planeti i risive do të largohet nga shenja juaj, por do të lërë brenda jush shpirtin e lirë, respektin për veten, dëshirat të zjarrta dhe ndjesitë e thella, si edhe qëndrueshmërinë emocionale. Pikërisht këto arritje do të vihen në provë nga Plutoni dhe Saturni dhe do t’ju duhet t’i mbroni me mendjemprehtësi.
Në aspektin e shëndetit, viti nuk paraqitet problematik, por duhet të bëni kujdes me disa shqetësime të vogla dhe ta trajtoni me respektin që meriton trupin tuaj. Mos e lodhni veten fizikisht dhe sidomos mos e mbingarkoni trurin me mendësi negative. Me pak fjalë, ruani ekuilibrin fizik dhe psikologjik dhe përkushtojuni mirëqenies suaj.
Demi
Është një vit eksperimentesh, ndryshimesh dhe konkretizimi planesh. Gjatë vitit 2018 do të jeni më luftarakë dhe praktikë se kurrë, madje deri në atë pikë sa mund të dukeni cinikë.
Në aspektin profesional, ndryshimet më të mëdha do të vihen re gjatë periudhës maj-nëntor dhe do të vijojnë për disa vite. Saturni në shenjë garanton suksese afatgjata. Do t’ju jepen mundësi për të ecur përpara, për t’u ngritur në detyrë, apo për të shtuar klientelën në mënyrë të ndjeshme, nëse merreni me biznes. Duke qenë se Jupiteri është në jo të favorshëm duhet të bëni kujdes me administrimin e parasë dhe me procedurat burokratike.
Në aspektin sentimental, do t’ju krijohet ndjesia sikur keni arritur ta perceptoni qartë atë që dëshironi. Kjo ndjesi do t’ju shoqërojë për një pjesë të mirë të vitit. Do të keni pikësynime të qarta dhe do të keni çdo mundësi për t’i realizuar ato. Por viti 2018 sjell me vete diçka të papritur, një histori dashurie me një person që s’jua priste kurrë mendja, një zhgënjim shpirtëror, apo një shtatzëni të mundshme. Mbase edhe një martesë, bashkëjetesë, apo një zgjedhje që do t’ju ndryshojë të ardhmen. Do të jetë një vit i paharrueshëm.
Në aspektin e shëndetit, do të gëzoni shëndet të plotë dhe do të mposhtni një problem të hershëm që mendonit se tashmë ishte kthyer në kronik. Këtë vit do t’i kushtoni rëndësi tonifikimit të muskujve dhe elasticitetit të lëkurës. Do t’i kushtoni shumë rëndësi të ushqyerit, por bëni kujdes të mos e tejkaloni masën dhe kufizoni sasinë e konsumit.
Binjakët
Vitin 2018 do ta nisni me një ndjesi të pakushtëzuar lirie. Do të ndiheni të lirë të mendoni për veten, për projektet personale, për kultivimin e interesave tuaja, pa hezituar dhe pa e vrarë mendjen. Do të jetë një vit përgjithësisht pozitiv gjatë të cilit do të gjeni sërish vetëbesimin.
Në aspektin profesional, do të vihet re pozicionime planetësh të ndryshëm muaj pas muaji që do të sjellin me vete prirjen për përmirësim në raport me vitin e kaluar. Disa muaj progresi profesional do të jetë më i shpejtë e disa të tjerë më i ngadaltë. Prej nëntorit, duhet t’i kushtoni vëmendje të veçantë gjendjes financiare. Mos rrezikoni me ndonjë financim të mundshëm dhe bëjini mirë llogaritë. Mos u druani: Viti 2018 do të jetë më i mirë se ai që lamë pas.
Në aspektin sentimental, do të ndihet më së shumti atmosfera e lirisë që karakterizon pozicionimin e yjeve në shenjën tuaj. Do t’ju lindë dëshira që t’i shfaqni lirshëm dëshirat, të distancoheni nga gjithçka që ju ka bërë të vuanit dhe të zgjoni sërish pasionin, duke përqafuar kështu risi në çift apo në mënyrën e të dashuruarit, nëse jeni beqarë. Në rast të ndonjë flirti, bëni kujdes nga Neptuni që mund t’ju shtyjë ta idealizoni personin me të cilin shoqëroheni. Tregohuni realistë dhe do të qëlloni në shenjë.
Në aspektin e shëndetit, nëse keni vuajtur nga probleme shëndetësore deri tani, viti 2018 do të tregohet bujar me ju, sidomos nëse problemi ka pasur lidhje me depresionin apo vetëbesimin e ulët. Ky vit mund të bëjë mrekulli për gjendjen tuaj psikologjike. Do të ndiheni më të qetë dhe do t’i shihni pengesat si të kapërcyeshme. Do të jetë një vit i shkëlqyer për të zbuluar nevojat e organizmit tuaj dhe për t’i plotësuar ato.
Ka ardhur koha që ta merrni më seriozisht shëndetin tuaj fizik. Mjaft me ëmbëlsirat, alkoolin apo me ushqimet e rënda dhe filloni një regjim me ushtrime fizike. Mësoni që t’i thoni “jo” gjithçkaje që mund të dëmtojë trupin tuaj.
Gjatë nëntë muajve të parë të vitit, ata që i përkasin kësaj shenje do të jenë të rrethuar nga dashuria dhe romanca.
Për sa i përket fushës së karrierës, profesioni dhe puna juaj mund t’ju duken të pazakonta në një mënyrë apo një tjetër. Por juve mund t’ju shfaqen mundësi të reja, ndaj sigurohuni që ajo që ju ofrohet të jetë e realizueshme.
Gaforrja
Kushtojini rëndësi zemrës dhe kini besim! Viti 2018 do të jetë plot ngjarje për të gjithë ju, të lindurit në shenjën e Gaforres. Një vit plot të papritura dhe tensione. Një gjë është e sigurt, gjatë 2018-tës nuk do të mërziteni kurrsesi, sepse ju presin risi të shumta që kërkojnë vëmendje dhe reflektim që të vendosni në mënyrë të drejtë.
Në aspektin profesional, kalimet e shumta planetare do të diktojnë një situatë profesionale “stoike” për të gjithë ju. Viti paraqitet i mundimshëm dhe plot sfida pune. Urani dhe Demi, në periudhën mes majit dhe nëntorit do t’ju tregojnë rrugë të reja që duhet t’i ndiqni për arritje në karrierë. Bëni kujdes me Saturnin dhe Plutonin në pozicion jo të favorshëm që do t’ju detyrojnë të veproni me kujdes e maturi dhe të llogarisni me saktësi të plotë çdo hapo që hidhni në fushën financiare. Mos rrezikoni!
Në aspektin sentimental, viti 2018 nuk do të favorizojë me pasiguritë, sjelljet sipërfaqësore apo “tërhiq e mos e këput”. Do të jetë viti i përsosur për të mbledhur mendjen dhe për të marrë vendime të rëndësishme që mund të kenë efekte afatgjata (përfshirë këtu ndonjë bashkëjetesë apo shtatzëni), apo edhe ndonjë ndarje, nëse konfliktet janë të vazhdueshme. Gjithsesi, yjet ju japin një këshillë: ktheni faqe dhe nisni një kapitull të ri.
Në aspektin e shëndetit, diagrami juaj shëndetësore do të krahasohej me ulje-ngritjet e një karuseli. Mirëqenia fizike dhe kënaqësia e brendshme arrijnë majat, pastaj bien në rënie të lirë, prekin fundin dhe ngrihen përsëri në majë. Si përfundim ç’do të ndodhë? Ju do të bëni përpjekje, por s’do t’i keni të gjitha në dorë.
Luani
Edhe pse në dukje të egër, thellë brenda vetes jeni shpirtbutë dhe bujarë. Karakteri juaj i guximshëm do të dalë në pah edhe gjatë vitit 2018. Ruajeni veten nga reagimet impulsive!
Viti nuk paraqitet problematik, mjafton të tregoheni të matur dhe të mos i kaloni caqet. Nëse e ndiqni këtë rregull, fundi i vitit do të sjellë arritje të rëndësishme.
Aspekti profesional do të jetë thembra e Akilit këtë vit për të lindurit në shenjën e Luanit. Urani në shenjën e Demit do t’ju shtyjë të entuziazmoheni së tepërmi, ndërkohë që do të ishte mirë t’i shikonit me vëmendje situatat për të ruajtur rezultatet e arritura. Pra, për sa i përket punës, viti 2018 do të jetë pozitiv, nëse tregoheni të kujdesshëm për të mos bërë zgjedhje të gabuara. Prej nëntorit, pozicioni i Uranit dhe Shigjetarit do t’ju nxisë të arrini majat.
Në aspektin sentimental, surprizat nuk kanë të sosur. Situata varet nga ndryshimet e përmuajshme, por tabloja e përgjithshme paraqitet pozitive. Do t’i përkushtoheni realizimit të dëshirave dhe ëndrrave tuaja. Po ashtu do të përballeni me risi që mund të ndryshojnë planet tuaja. Megjithatë, në sferën e dashurisë, kjo gjë i shton edhe më tepër emocionet. Viti 2018 do të përmbyllet shkëlqyeshëm për sa i përket ndjenjave.
Në aspektin e shëndetit, situata paraqitet mjaft e mirë, mjafton të mos e teproni me ushqimet jo të shëndetshme. Ndaj, ruani kontrollin dhe shmangni përdorimin pa kriter e yndyrave, sheqerit dhe pijeve alkoolike. Kështu, do t’i vinit në ndihmë mëlçisë dhe analizat e gjakut do t’ju dilnin si mos më mirë.
Virgjëresha
Viti 2018 do t’ju dhurojë plot arsye për të buzëqeshur. Ky vit paraqitet i mrekullueshëm për të lindur në shenjën e Virgjëreshës. Gjendja emocionale do të jetë e shkëlqyer, do të merrni vendime të frytshme, do të jeni të qetë dhe të sigurt në vetvete, pa mendimet pesimiste dhe tensione. Sigurisht që ndonjë shqetësim të vogël mund ta keni, por jo si në vitet e shkuara.
Në aspektin profesional, nuk ndodh shpesh që të keni Jupiterin dhe Saturnin në pozicion të favorshëm me shenjën tuaj. Po ashtu edhe Uranin në periudhën mes majit dhe nëntorit. Ndaj, ngrini kokën lart dhe ecni përpara, sepse karriera juaj mund të marrë një hov të rëndësishëm cilësor. Do t’ju vijnë konfirmime, do të gjeni ekuilibrin dhe sigurinë financiare dhe do të merrni propozime që i prisnit prej kohësh. Keni një projekt të hershëm që e ruani? Mbase ka ardhur koha që ta shpluhurosni dhe ta vini në zbatim.
Në aspektin sentimental, 2018-ta do të jetë një vit mjaft i favorshëm. Do të ndiheni të sigurt në vetvete dhe do të bëni zgjedhje të rëndësishme si bashkëjetesa me partnerin, ndonjë shtatzëni a martesë e mundshme, apo blerja e ndonjë shtëpie të përbashkët. Zemra juaj, më në fund, do të ndihet e sigurt dhe do t’i kuptoni qartë ndjenjat. Nëse nuk jeni të dashuruar, do ta gjeni një mënyrë që dashuria të bëhet pjesë e jetës suaj. Me ndikimin e Jupiterit dhe Saturnit, Kupidi mund të vijë kur nuk e prisni.
Në aspektin e shëndetit, do të ndiheni të fortë dhe energjikë. Do të ndiheni në formë të shkëlqyer, të gatshëm të përballeni me problemet e dikurshme. Siguria në vetvete që e keni rigjetur do t’ju ndihmojë në aspektin psikologjik dhe do të ketë pasoja pozitive në mirëqenien tuaj të përgjithshme. Në aspektin estetik, do të jetë një vit i shkëlqyer të tonifikuar muskujt dhe për të përmirësuar lëkurën.
Peshorja
Viti 2018 do të jetë një vit konfirmimesh dhe spastrimesh njëherësh. Paraqitet një viti relativisht i mundimshëm, që do të karakterizohet nga reflektimi i thellë dhe maturia, nga zgjedhje të vështira që do të kërkojnë vëmendje maksimale. Megjithatë, disa situata do të jenë të paparashikueshme dhe mund t’ju detyrojnë të ndryshoni planet e projektet personale apo familjare. Duhet të jeni si uji që merr formën e enës ku hidhet, kështu, do të përshtateni me rrethanat. Lajme të mira vijnë prej muajit nëntor.
Në aspektin profesional, përgjatë vitit 2018 mund ta keni pak të vështirë të përshtateni me kërkesat e punës dhe me risitë. Nëse do t’ju duket vetja si pa bosht, mundohuni të shihni përpara dhe tregohuni fleksibël. Kështu, do të arrini të merrni maksimumin nga një vit jo fort bujar me ju. Megjithatë, këto sprova do t’ju shtyjnë të nxirrni në pah dhunti që mbase s’e dinit t’i kishit. Me siguri, do t’i shtoni kompetencat dhe aftësitë tuaja në karrierë.
Në aspektin sentimental, viti 2018 do të sjellë zgjidhjen e të gjitha nyjave të lidhura në vitin 2017. Nëse nuk kishit menduar të përballeshit me to, tani do t’ju detyrojnë rrethanat që ta bëni. Ndaj, kini durim, nëse e keni vërtet për zemër partnerin/en, se nuk do të jetë një vit i lehtë. Nëse tregoheni bashkëpunues, të jeni të sigurt për diçka, raporti juaj do të forcohet edhe më tej. Në rast të kundërt, mund ta gjeni veten sërish beqarë/e. Nëse jeni në kërkim të dashurisë, mos e humbni durimin, por më përpara përpiquni të gjeni pavarësinë emocionale brenda jush, para se t’i futeni një lidhje sa për të mos ndenjur vetëm.
Në aspektin e shëndetit, nuk do të keni shumë energji këtë vit. Ndaj, nëse ia doni të mirën vetes, duhet të mësoni ta menaxhoni me maturi fuqinë tuaj fizike, duke organizuar angazhimet me efikasitet, duke kërkuar ndihmë dhe duke shmangur tensionet, pesimizmin dhe meditimet e zgjatura. Ushqehuni si duhet, çlodhuni dhe argëtohuni sa më shumë.
Akrepi
Një vit përfitimesh të mëdha materiale dhe afektive. Jeni gati, miq të Akrepit? Viti 2018 do t’ju rezervojë një vend në rreshtin e parë në shfaqjen e madhe të jetës. Fushën mund ta zgjidhni sipas dëshirës: lumturisë në dashuri, suksesit në punë, financave në rimëkëmbje, shëndetit të plotë apo harmonisë familjare. Do të ecni të sigurt në rrugën e ndërmarrë, të bindur në zgjedhjet e veprimet tuaja.
Në aspektin profesional, Jupiteri dhe Saturni në pozicion të favorshëm, do t’ju sjellin një vit 2018 të mrekullueshëm
për sa i përket punës. Përgatituni për revanshin e madh, për t’u treguar të tjerëve se me ç’brumë jeni gatuar, se vetëm ju mund të dilni nga një situatë e vështirë dhe të ecni përpara me gjithë fuqinë. Vendimet që do të merrni do të jenë të volitshme dhe do t’ju garantojnë stabilitet dhe fitimi të majme. Nuk do të keni të ndalur, edhe pse në mesin e vitit do të hasni disa të papritura.
Në aspektin sentimental, do të jetë një vit i lumtur, një vit raportesh të konsoliduara, ku ju do të jeni protagonistët kryesorë. Ndonjëri prej jush mund të marrë një vendim të rëndësishëm, qoftë edhe të përhershëm. Nëse jeni në një lidhje të qëndrueshme, do të kaloni një periudhë bashkëveprimi si asnjëherë më parë dhe do të gjeni lumturinë edhe në rutinën e përditshme. Nëse jeni beqarë, këtë vit ju presin surpriza të pafundme. Urani trazovaç do të nxisë kthesa drastike.
Në aspektin e shëndetit, forca juaj e brendshme do të shoqërohet edhe me rezistencë fizike. Do të ndiheni energjikë, të gatshëm të përballoni angazhimet e përditshme pa mundim dhe pa rënë pre e stresit që shpeshherë i infekton të gjithë. Do të jeni shëndoshë e mirë dhe kjo do të duket qartë. Kujdes se mos shtoni peshë!
Shigjetari
Me hapa galopantë drejt horizonteve të reja! Viti 2018 do të jetë përgjithësisht i qetë, por me disa risi e ndryshime. Gjallëria do të vijë duke u shtuar deri në fund të vitit, me hyrjen e Jupiterit në shenjë, që do të zgjojë dëshirat tuaja dhe do t’ju ndihmojë të shprehni gjithçka që keni mbajtur gjatë brenda vetes. Neptuni në pozicion jo të favorshëm do t’ju shkaktojë disa zhgënjime, por do t’i kaloni pa problem.
Në aspektin profesional, viti 2018 do të paraqitet i qetë dhe pa luhatje të mëdha, por mundohuni të mos pushtoheni nga frika e të gabuarit. Pozicionimi i yjeve është i favorshëm, edhe pse diagnoza e përsosur do të përcaktohet nga kalimet e planetëve muaj pas muaji. Në vija të përgjithshme, situata juaj profesionale do të jetë e ekuilibruar dhe e qëndrueshme, pa ndonjë hov të madh, por e përshtatshme për të ndërmarrë nisma që mund të shpërblehen pas nëntorit, kur Jupiteri në shenjë do t’i kurorëzojë të gjitha përpjekjet.
Në aspektin sentimental, pozicionimi i Uranit do të sjellë ndryshime, ndryshime që për shumë prej jush i kanë rrënjët në ngjarje më të hershme. Vetëm për disa prej Shigjetarëve transformimi do të nisë në vitin 2018. Ky transformim do të ketë të bëjë kryesisht me nevojat tuaja që do të jenë të ndryshme dhe do të kërkojnë strategji të reja. Neptuni kundër nuk ju lejon të vendosni një qasje të ekuilibruar me realitetin përreth, apo të konkretizoni projekte në planin e ndjenjave. Gjeni dikë që ju meriton dhe shtrëngojeni fort!
Në aspektin e shëndetit, do të jeni mirë në përgjithësi, por me gjasë do t’i përkushtoheni më tepër nga sa duhet pamjes së jashtme, duke kufizuar të ushqyerin. Kujdes se mos shkaktoni ndonjë deficit ushqimor, duke u ushqyer sipas një regjimi reference. Duhet të konsumoni çdo produkt dhe të mos përjashtoni asgjë nga dieta juaj.
Bricjapi
Viti i kthesës së madhe ka mbërritur! Sukseset do të ndjekin njëri-tjetrin. Saturni dhe Plutoni do të jenë në shenjën tuaj. Ky pozicionim do t’ju ndihmojë të arrini pikësynimet dhe objektivat në çdo sferë. Mos hiqni dorë prej asgjëje në emër të suksesit, por mos harroni kurrë humanizmin, empatinë dhe solidaritetin! Kështu, përpos suksesit financiar, do të fitoni diçka edhe më të vyer: respektin dhe vlerësimin e atyre që ju rrethojnë.
Në aspektin profesional, viti 2018 do të jetë viti i arritjeve dhe kurorëzimit me sukses të përpjekjeve. Çfarë ju mundonte deri tani, miq të Bricjapit? Përgjigjja do të vijë njëzëri: do të keni resurse më të mëdha financiare. Pozicionimi i Jupiterit deri në nëntor do t’ju mundësojë vënien në zbatim të ujdive me leverdi, shtimin e të ardhurave, marrjen e shpërblimeve shtesë apo gjetjen e ndonjë vendi pune të lakmuar. Angazhimi juaj do të jetë i vazhdueshëm dhe frytet do të jenë tejet të volitshme gjatë gjithë vitit.
Në aspektin sentimental, ju presin surpriza mjaft të këndshme gjatë këtij viti kaq të bukur. Do të ndiheni të sigurt në vetvete dhe do t’i kërkoni partnerit pa asnjë problem gjithçka që dëshironi. Arritje në sferën e ndjenjave dhe qëndrueshmëria emocionale do t’ju shoqërojnë gjatë gjithë vitit.
Nëse jeni beqarë, është një periudhë e shkëlqyer për të shtuar besimin në aftësitë tuaja joshëse. Edhe flirtet do të jenë të mrekullueshme, sidomos në periudhën maj-nëntor, një periudhë befasuese dhe magjike në shumë aspekte.
Në aspektin e shëndetit, do të ndiheni mirë, mbase sepse rrethanat do të paraqiten të favorshme. Jo vetëm të fortë dhe të shëndetshëm fizikisht, por edhe të qetë në pikëpamjen emocionale, më të gëzuar dhe më të prirë për të buzëqeshur. Do të jetë gëzim i madh për ata që do t’ju shohin të çeleni. Vetëm një këshillë, në periudhën maj-nëntor, nëse jeni në moshë, shtatzënia duhet parë si një mundësi konkrete.
Ujori
Ulje-ngritje të vazhdueshme, por mos u shqetësoni! Fundi do të jetë i lumtur. Ndiheni të pakënaqur, herë pas here edhe të frikësuar nga diçka që as vetë ju nuk e përcaktoni dot mirë. Miq të shenjës së Ujorit, ç’po ju ndodh kështu? Kthejeni kokën pas dhe shikoni sa shumë gjëra keni bërë e arritur. Urani është në pozicion të favorshëm me shenjën tuaj, po ashtu edhe Jupiteri pas nëntorit. Ndaj, fundi i vitit do të jetë i shkëlqyer.
Në aspektin profesional, viti 2018 nuk do të jetë problematik, por duhet të keni shumë kujdes me zgjedhjet që bëni dhe me ambicien tuaj. Dëshira për të fituar gjithmonë e më tepër mund t’ju shtyjë të hidhni një hap të gabuar. Veproni me maturi, mençuri dhe realizëm. Edhe pse pozicionimi i përmuajshëm i yjeve nuk ju favorizon aq shumë sa vitin e kaluar, gjithsesi do të përmbyllni disa nisma pozitive dhe rezultatet e tyre mbresëlënëse do t’i korrni nga nëntori e mbrapa.
Në aspektin sentimental, shpesh do të ndiheni mosbesues e xhelozë, të pakënaqur me karakterin ose mendësinë e partnerit, ose ende të mbërthyer pas kujtimit të një dashurie që s’është venitur ende plotësisht nga zemra juaj. Yjet ju sugjerojnë që të shihni përpara, ose edhe të ktheni kokën pas, nëse ju shërben për të sjellë në mendje të gjitha situatat që keni kaluar me partnerin aktual. Në një raport ndodhin edhe pakënaqësi. Në vjeshtë kjo situatë do të marrë fund. Jeni beqarë?
Do të përjetoni dashuri të pazakonta, disa do të zgjasin përgjithmonë, kurse disa të tjera do të mbarojnë sa hap e mbyll sytë.
Në aspektin e shëndetit, pakënaqësia shpirtërore mund të sjellë pasoja negative në mirëqenien e organizmit tuaj. Do të anoheni vazhdimisht, duke vënë në pak dhimbje të vogla aty-këtu. Qofshin ose jo konkrete, kjo do jetë një mënyrë për të shprehur gjendjen e zymtë që ndieni përbrenda. Përkëdheleni veten dhe lejoni të tjerët t’ju përkëdhelin sa më shumë të jetë e mundur!
Peshqit
Viti 2018 do të jetë tejet pozitiv. Do të ndiheni të fortë e të vendosur, të sigurt në vetvete, të gatshëm për të hedhur pas krahëve këto vite të mundimshme. Jo vetëm kaq, të gatshëm të fitoni gjithçka që ju takon në çdo fushë e sektor. Pra, një ogur i mirë që do të sjellë surpriza shumë të bukura.
Në aspektin profesional, do të përkushtoheni me seriozitet, do të krijoni raporte të rëndësishme. Të gjithë të lindurit në shenjën tuaj do të keni një qëllim të përbashkët, pavarësisht kushteve në të cilat niseni: të përmirësoni gjendjen tuaj dhe të arrini një hov cilësor. Gjatë vitit gjendja financiare do të jetë më e favorshme dhe të ardhurat në shtim e sipër. Kjo dukuri do t’ju shoqërojë deri në mes të muajit nëntor. Përgjatë gjithë vitit ju presin konfirmime të shumëpritura në sferën profesionale.
Në aspektin sentimental, do të ndiheni të lumtur, të kënaqur dhe të dashuruar. Kështu do të ndikojnë yjet te ju për këtë vit. Po ashtu do t’ju vijë në ndihmë fleksibiliteti në marrjen e vendimeve të rëndësishme që do të rezultojnë me baza të forta. Yjet kërkojnë me ngulm t’ju sjellin qëndrueshmërinë aq të shumëpritur në sferën afektive. Një periudhë e shkëlqyer për të gjetur dashurinë, për të gjetur personin e duhur dhe për të nisur krijimin e familjes, nëse e shihni të arsyeshme. Periudha maj-nëntor sjell surpriza të pafundme.
Në aspektin e shëndetit, viti 2018 do të jetë viti i rikuperimit të plotë fizik dhe psikologjik, sepse do të përfshijë trupin dhe mendjen. Do të ndiheni shëndoshë e mirë dhe në formë të shkëlqyer fizike. Nëse doni të përmirësoni aspektin estetik, sidomos tonifikimin e lëkurës, mund të arrini mrekulli me ndihmën e Saturnit.
