Emisioni “E diela Shqiptare”, në rubrikën “Kam një mesazh për ty”, sjell vazhdimisht mesazhe e histori të ndryshme, por kjo e sotmja ishte e veçantë. Një mesazh drejtuar Babagjyshit. Nuk e besoni? Po po babagjyshit i drejtohej.
E para ishte Eriglisa, një studente e shkëlqyer nga komuniteti egjiptian, e cila i kërkonte Babagjyshit disa dhurata për fëmijët e këtij komuniteti, e ndërsa i dyti ishte Leo, heroi 9 vjeçar që ishte destinuar të qëndronte në një karrocë me rrota pas një problemi në kocka. Pavarësisht 14 operacioneve që kishte bërë, nuk e largonte për asnjë moment buzëqeshjen nga fytyra. Dëshira e tij ishte të ngrihej në këmbë, por edhe një kukull për motrën e vogël.
Kryeministri Edi Rama u shndërruar në Babagjyshin e Leos dhe Eriglisës duke ua plotësuar dëshirat.
“Ditën e parë kur të shkosh në shkollë, do të të presë taksia poshtë shtëpisë, do të të marrë e do të të çojë deri sa të mbarosh shkollën. Ne do të të bëjmë çmos që të ngrihesh dhe të shkosh në shkollë e do të të sjelim fizioterapistin… dhe tani do të të japë edhe kukullën e motrën“, i tha ai Leos.
“Ndërsa ti do të bëhesh këshilltare e ministrit për çështjet sociale”, iu drejtua Eriglisës e cila shpërtheu në lot.
