Beniada Nishani, modelja shqiptare që jeton në Itali u bë e njohur për publikun shqiptar pas pjesëmarrjes në “Top Magazine”. Ajo është mbesa e ish-presidentit Bujar Nishani, e cila ishte pjesë e “Top Magazine” në muajin shtator kur startoi ky program dhe ishte zgjedhur edhe në puntatën e fundit të këtij emisioni.
Që herën e parë që ishte pjesë e këtij emisioni modelja shqiptare shprehu dëshirën se donte të lidhej me një djalë tradicional shqiptar.
Pas atij programi, Beniada mori shumë mesazhe e propozime virtuale nga dhjetëra fansa në Itali, por edhe nga shqiptarë në Shqipëri e vende të tjera. Por akoma nuk e ka gjetur dot burrin ideal.
“Vërshuan shumë kërkesa martese, mesazhe…” tha me të qeshur dhe bashkë me Albanin lexuan në studio një pjesë prej tyre.
Ajo tha se akoma s’po e gjen dot një djalë shqiptar dhe për këtë fajëson Ervinin. Ky i fundit ia ktheu aty për aty duke i thënë se ajo ndryshon mendim çdo 5 minuta, kështu që kjo është punë e vështirë.
