Ky vit ishte i mbushur me dashuri të reja, shumë celebrime, por edhe ndarje. “Iconstyle.al” risjell në vëmendje të gjitha lidhjet e reja ose ato që u zbuluan gjatë 12 muajve të 2017-s. Ne kujtuam plot 15 çifte:
Beatrix Ramosaj me një arkitekt
Vetëm pak ditë para të ndërrimit të viteve, këngëtarja Beatrix Ramosaj ka prezantuar partnerin e saj të ri. 23-vjeçarja postoi një foto mes miqsh në Instagram, mes të cilëve është edhe arkitekti Erind Bejleri.
Me foton në fjalë, Beatrix ndau me ndjekësit një nga të dielat e saj të lumtura pranë njeriut që i ka fituar sërish zemrën. Këngëtarja nuk e ka konfirmuar ende zyrtarisht lidhjen.
Ilda Bejleri me deputetin e PD-së
Moderatorja sportive, Ilda Bejleri është në një marrëdhënie prej një kohë të gjatë me deputetin e PD-së, Klevis Balliu. Sipas burimeve, marrëdhënia e tyre është shumë serioze, aq sa ata po mendojnë të jetojnë së bashku dhe janë në kërkim të një shtëpie.
Edhe pse ende asnjëri nuk e ka pranuar këtë marrëdhënie, pritet që lidhja e tyre të bëhet publike shumë shpejt.
Aktori i “Portokallisë” në lidhje të re
Rezart Veleshnja i njohur si ‘Betim Sperdhima’ i “Portokallisë”, ka gjetur sërish dashurinë! Pas një ndarje të bujshme nga partnerja e tij, aktori u dallua në fund të nëntorit krah një brune. Në një foto krah partneres ai shkroi: ‘Dashuria ime’, duke zbuluar pak nga fytyra e saj. Pas dy vitesh lidhjeje me grimieren Pranvera Metolli, u mësua se Rezi i dha fund marrëdhënies.
Dua Lipa me këngëtarin Paul Jason Klein
Dua Lipa është shumë e dashuruar me partnerin e tij, artistin Paul Jason Klein. Pas ndarjes së saj nga modeli Isaac Carew, u shfaq në korrik krah Klein. Të dy janë shumë të dashuruar dhe nuk ka moment që nuk ia shprehin këtë njëri-tjetrit.
Rita Ora me muzikantin Andrew Watt
Rita Ora bëri zyrtare në Instagram lidhjen me muzikantin Andrew Watt në fillim të muajit dhjetor, i cili thuhet se është i dashuri i saj për më shumë se një vit. Këngëtarja 27-vjeçare publikoi një foto bardhezi ku shfaqej me dorën në krahun e muzikantit , teksa shkruante: “Mbrëmë” dhe dy ikona zemrash anembanë shkrimit.
Seldi Qalliu dhe Mimoza Shkodra
U “kapën mat” në koncert dhe në plazh bashkë, por nuk pohuan asgjë. Seldi Qalliu dhe Mimoza Shkodra vendosën të fshiheshin nga syri i publikut, derisa më 24 shtator publikuan një foto si çift. Pak javë më pas erdhi edhe fejesa.
Eni Koçi dhe Genc Prelvukaj
Eni Koçi dhe Genc Prelvukaj u cilësuan si çifti më i ri i “showbiz”-it shqiptar, por askush prej këngëtarëve nuk ka pranuar asgjë. Gjithsesi fotot e paparacëve duke u puthur dhe projektet së bashku dëshmojnë romancën e tyre.
Klea Huta dhe Elgit Doda
Një foto vlen më shumë se 1000 fjalë dhe pikërisht kështu veproi edhe çifti i “showbiz”-it shqiptar. Pasi për muaj të tërë vendosën të mos mohonin dhe as të pohonin për lidhjen e tyre, Klea Huta dhe Elgit Doda e bënë publike dashurinë e tyre përmes një fotografie më 10 tetor.
Shkurte Gashi me vëllain e Blerim Destanit
Këngëtarja e mirënjohur, Shkurte Gashi, zbuloi këtë vit lidhjen me vëllain e Blerim Destanit, Selimin, i cili është divorcuar dhe ka 5 fëmijë nga martesa e parë. Gjatë ndarjes së çmimeve “Zhurma Show”, Shkurte Gashi pranoi në tetor lidhjen e dashurisë, madje duke ia dedikuar çmimin që fitoi dashurisë së jetës së saj.
Bruno me aktoren nga Kosova
Një lidhje e re u bë publike në korrik mes aktores Arta Nitaj, që ne e njohim si Xhesika në serialin ‘O sa mirë’ dhe këngëtarit Bruno. Por zgjati shumë pak, pasi në tetor këngëtari tha se ishin ndarë.
Megi Ndokaj me një biznesmen
Modelja Megi Ndokaj u kap ‘mat’ në gusht në krahët e një biznesmeni të suksesshëm në Angli, me të cilin u pa duke kaluar pushimet në plazhin e Jalës.
Flori Mumajesi dhe Liberta Spahiu
Lidhja e tyre ende nuk është pranuar, por detajet kanë treguar se romanca mes Flori Mumajesit dhe Liberta Spahiut ekziston. Këngëtari prej 9 muajsh është zhvendosur në Kosovë për të bashkëjetuar me moderatoren.
Floriana Garo me avokatin në Zvicër
Moderatorja Floriana Garo tregoi në mars të këtij viti se kishte gjetur sërish dashurinë dhe se lidhja e saj e re e bën të ndihet mirë. Kjo ishte e vërtetë, sepse vetëm 3 muaj më pas, në qershor, ajo shpalli fejesën me avokatin Enis Daci, i cili jeton në Zvicër. Çifti janë në pritje të fëmijës së tyre të parë, një vajzë.
Shpat Kasami me…
Shpat Kasapi pranoi në nëntor që është në një lidhje me një vajzë, që sipas tij është e mirë, besnike dhe e sinqertë. Këtë deklaratë publike, Shpati e bëri gjatë emisionit “Top Show Magazine”. Madje këngëtari nga Shkupi tregoi se këngën e fundit “Aroma e saj”, ia ka dedikuar asaj.
Reperi Mozzik dhe Loredana Zefi
