Pasi u shpall fitues i Festivalit të 56-të të Këngës në RTSH, Eugent Bushpepa do të përfaqësojë Shqipërinë me Këngën “Mall” në Eurosong në Portugali.
Kënga do të ripërpunohet për tu bërë tre minuta, aq sa e kërkon Eurovizioni, dhe do të këndohet në gjuhën shqipe dhe këtë e ka treguar vetë Eugenti në një intervistë për Eurovision Albania.
Herën e fundit kur Shqipëria shkoi shqip në këtë festival ishte viti 2013-të, kur në festival u paraqitën Adrian Lulgjuraj dhe Bledar Sejko, edhe pse nuk arritën suksesin e dëshiruar.
Në gjuhë shqipe, në Eurovizion kanë kënduar edhe Luiz Ejlli, Frederik Ndoci, Olta Boka, Aurela Gaçe dhe Rona Nishliu.
