Kryetari i Bashkisë së Tiranës, Erion Veliaj, prej shumë kohësh nuk thirret me emrin e tij por i është ngjitur nofka Lali Eri. Pavarësisht se fillimisht kishte konotacion negativ, tashmë për zotin Veliaj kjo nofkë nuk përbën më problem, madje ajo e identifikon.
Po kush ia ngjiti këtë emër kryetarit të Bashkisë? Dje Lali Eri ishte i ftuar në natën finale të “Dance with Me”, nga ku zbuloi dhe se si iu ngjit kjo nofkë.
“Kur filluam të bënin çerdhet dhe kopshtet, kryetari i bashkisë sikur nuk shkonte. Nisi si shaka lali, lali, por më vonë u bë popullore dhe u pëlqye”, – tha Veliaj pas pyetjes së Alketës si i mbeti ky emër.
Madje Erioni shpjegoi se me këtë emër nuk thërritet vetëm nga shqiptarët , por edhe nga homologët e huaj. Me ta ka një problem shpjegoi më tej Lali Eri.
“Shumica e të huajve thonë si përkthehet kjo ‘lali’ në anglisht”, tha me humor Veliaj.
Me apo pa dashje Lali Eri është bërë personazh për Tiranën, për të mëdhenj e të vegjël, ndaj askush nuk ka kundërshtim që të jetë ai vëllai i madh i këtij qyteti.
