Pak kohë më parë, Sokol Balla u largua nga detyra e drejtorit të programacionit në Top Channel. Ai vazhdoi të jetë pjesë e ekranit televiziv me emisionin “Top Story”, por tashmë nuk do të drejtojë më këtë emision.
Burime pranë Top Channel treguan për Dritare.net se Balla pati konflikt me drejtuesit e kompanisë pas intervistës së Saimir Tahirit në apartamentin e tij. Sipas burimeve, emisioni u prit keq për shkak të mënyrës si ishte ndërtuar.
Vendin e Ballës si drejtor informacioni e ka zënë Endri Xhafo, i cili do të drejtojë edhe “Top Story” pas largimit përfundimtar të Ballës. Balla është parë në ambientet e Vizion Plus, por ende është në fazën e bisedimeve me drejtuesit e televizionit. Sokol Balla i pyetur për këtë largim të mundshëm të tij, nuk ka dhënë asnjë detaj por ka refuzuar të komentojë.
