Nata e parë e Festivalit të RTSH solli një imazh të ri, ndërsa nga ana tjetër u rikthyen në skenë artistët e mëdhenj, Adi Krasta dhe Pali Kuke. Çdo gjë shkoi siç ishte parashikuar, përveç një incidenti të sikletshëm.
Gjatë performancës së Redon Makashit, muzika ndali sapo ai kishte nisur të këndonte. Makashi u rehatua në këndin e pianos dhe menjëherë filloi muzika. Ndërsa në sekondat e parë të këngës, dëgjohet zëri i Redonit:
“Stop! Stop, orkestra, stop… Nuk jeni mirë…!”.
Me sa duket mënyra se si ata po luanin, nuk po i pëlqente Redonit.
Menjëherë në skenë u ngjit dhe Adi, i cili duke iu referuar kërkesës së Redonit tha: “Po një duartrokitje për orkestrën edhe pse ajo s’ishte në terezi”.
Gabimi ishte i orkestrës, por mbrëmjen e dytë të festivalit, Adi sqaroi se gabimi ka qenë në audion e jashtme të televizionit dhe jo i saj.
“Ka qenë një gabim në audion e jashtme të televizionit, jo i orkestrës. Orkestra e TVSH-së nuk mund të gabojë“, tha Adi.
