Rreth dy muaj pasi ngriti padi kundër kompanisë “Roc Nation”, të producentit Jay Z, ky i fundit ia kthen me të njëjtën “monedhë” këngëtares Rita Ora. Jay Z paditi këngëtaren me origjinë shqiptare me një vlerë prej 1.66 milionë paund.
Studio muzikore akuzoi ish-të mbrojturën e Jay Z për thyerjen e kontratës dhe dështimin në realizmin e saj të dytë, për të cilin ata kanë shpenzuar rreth 1,38 milionë paund, në marketing.
Sipas dokumentit të dorëzuar tashmë në gjykatën e Manhattan, Rita Ora duhet të realizonte 5 albume, por ndërkohë që ka arritur të publikojë vetëm 1.
Në deklaratën e studios muzikore shkruhet: “Roc Nation ka provuar pa pushim në promovimin e karrierës së saj, duke investuar miliona dollarë në marketing, regjistrime, etj., që ka qenë dhe rruga që ka çuar drejt famës dhe suksesin znj. Ora”.
Padia e Ritës u nënshtrua më 17 dhjetor të 2015-s, ndërsa lidhur me këtë avokati i këngëtares është shprehur: “Jay Z personalisht i ka premtuar Ritës, që do të jetë e lirë nga kontrata e saj me “Roc Nation” dhe aktualisht po merren me detajet e fundit. Mendojmë se distributori i Roc Nation , “Sony Music”, i ka kërkuar studios që të zytarizojë këtë veprim, në lidhje me të drejtat muzikore”.
Burimi: Daily Mail
