Vogëlushi i Sara Hoxhës dhe Ledion Liços, London Noor, tashmë është rritur, por mami i tij, ashtu si çdo nënë, vijon ende ta mbajë nën mbikëqyrje dhe të sakrifikojë gjumin për të.
Vetëm pak ditë më parë London ka festuar vitin e parë të lindjes. Sara ka preferuar ta mbajë sa më larg vëmendjes së medias këtë ditë të rëndësishme të jetës.
Pasi tregoi se iu desh të qëndronte zgjuar deri vonë për të përgatitur tortën e djalit të saj, Sara këtë herë ka treguar se sa e vështirë është të jesh nënë e një fëmije të vogël.
Ajo ka postuar një foto në Instastory, nga kamerat në dhomën e vogëlushit ku ndonëse ora ishte 05:51, Londoni ishte në këmbë duke luajtur.
Në të njëjtën foto duket dhe mami Sara që është ngritur për ta vënë sërish në gjumë djalin.
