Më shumë mund ta njihni me emrin e rolit të tij Behlul në filmin “Dashuri e ndaluar”. Aktori turk Kivanç Tatlitug me rritjen e famës, ka rritur edhe kërkesat për pagesë nga markat që e kërkojnë.
Një kontratë e cila është përfolur shumë në mediat turke ka një shifër të lartë për protagonistin e shumë prej serialeve më të paguara në Turqi.
Siç shkruajnë mediat turke, reklama e “Coca Cola”-s e realizuar së fundi nga aktori ka paguar jo pak, por plot 6 milionë lira turke (1.3 milionë euro).
Sapo reklama është bërë publike, është pritur mjaft mirë në publik, por nuk ka kaluar pa u komentuar edhe vlera marramendëse e parave që ka marrë Kivanç.
