Nata më e rëndësishme e muzikës britanike pothuajse erdhi dhe tashmë zbulohen emrat e atyre që do të performojnë në skenën e “Brit Awards” 2018.
Dhe mes tyre dallon dhe emri i këngëtares shqiptare Dua Lipa. Prania e Dua-s në spektakle të ndryshme është e domosdoshme dhe kjo është arsyeja pse ajo ka qenë në qendër të vëmendjes kohët e fundit.
Në 21 shkurt të vitit të ardhshëm do të mbahet spektakli “Brit Awards” dhe për të performuar ‘live’ do të jetë pikërisht këngëtarja me origjinë nga Kosova.
Ajo do të performojë pranë këngëtarëve të tjerë të famshëm si: Ed Sheeran, Sam Smith dhe Sotormzy. Vet Dua ka konfirmuar performancën në rrjetin social “Instagram” ku ka shprehur ngazëllimin këtë arritje në karrierën e saj.
“Dua Lipa krijoi “New Rules” këtë vit, duke u kthyer në femrën britanike më e dëgjuar”, shkruan “Billboard”.
