Të gjithë e pamë vitin e kaluar kur trendi i dizajnëve të kafshëve u përhap shumë nëpër veshje. Të paktën tre marka “Gucci”, “Givenchy” dhe “Balenciaga” e përdorën trendin e gjarprit në versione të ndryshme.
Dizajnuesi i “Gucci”-t, Alessandro Michele, e çoi simbolin e gjarprit në një tjetër nivel në koleksionin e pranverës 2016.
Ai e vendosi kudo këtë dizajn, nga kollaret, te bluzat me mëngë të shkurtra, jakat e këmishëve, pulovrat dhe çantat.
Ndaj ne të “iconstyle.al” nuk e patëm të vështirë të gjenim markën që mund t’i përkiste golfi me gjarpër që mban veshur reperi nga Kosova, Getoar Selimi.
Sa kushton?
Kurdo e bëjmë këtë pyetje, në pallton e sapo blerë të shoqes apo këpucët që ia shikon për herë të parë shokut.
Ne bëmë një kërkim në faqen zyrtare të “Gucci”-t dhe të gjitha faqet e tjera të njohura për shitjen e markave të njohura online, si “matchesfashion”, “mytheresa”, “lyst”, etj.
Por nuk arritëm të gjenim asnjë bluzë të ngjashme me atë që ka veshur reperi. E vetmja që i përafrohet është kjo pulovër, e cila kushton 980 dollarë:
Ndërsa çmimi për një golf pa dizajn varion në 950 dollarë:
Simboli i gjarpërit është përdorur në shumë veshje të “Gucci”-t edhe në koleksionin e fundit vjeshtë/dimër 2017-2018, por asnjëherë nuk rezulton e përdorur në një bluzë stil golf.
Arsyen pse nuk gjendet bluza e reperit nuk e dimë, por ndoshta Getoari do të përcjellë ndonjë mesazh.
Gjarpërinjtë kanë kuptime të ndryshme në kultura të ndryshme, kështu që në varësi të vendit ku njerëzit jetojnë, ata mund të përfaqësojnë të keqen, pjellorinë, rilindjen ose shërimin.
