Sokol Balla vetëm pak kohë më parë u largua nga detyra e drejtorit të programacionit në Top Channel. Ai vazhdon të jetë pjesë e këtij ekrani televiziv me emisionin “Top Story”.
Me sa duket largimi nga ky post e ka mërzitur gazetarin dhe ka filluar të planifikojë që të shkojë në një tjetër televizion.
Burime për Gazetën Shqiptare thonë se Balla është parë në ambientet e Vizion Plus, por ende është në fazën e bisedimeve me drejtuesit e televizionit. Sokol Balla i pyetur për këtë largim të mundshëm të tij, nuk ka dhënë asnjë detaj por ka refuzuar të komentojë.
