Frensis Nikolla është e para shqiptare që bëri publike vendimin e saj për të studiuar për t’u bërë menaxhere futbollistësh.
E reja po studion në një nga universitet në Francë për këtë degë. Për të sqaruar më mirë programin e lëndëve të saj, Frensis tha për “Top Show”:
“Fillimisht bëjmë degën e Drejtësisë, kontratat, etj. dhe pastaj merremi me të gjitha rregulloret, të FIFA-s, Federatës franceze të Futbollit dhe të kategorisë inferiore”.
Por si reaguan prindërit kur ia tha vendimin që të bëhej menaxhere futbollistësh?
“Babai reagoi shumë mirë, ai është përkrahja ime më e madhe për këtë dhe dua ta falënderoj për gjithçka. Kurse mami nuk ishte dakord fare. Më tha që “nuk duhet ta bësh këtë”. Si çdo nënë shqiptare më tha: “Ti nuk do të kesh kohë të bësh familje”.
