Ambasada Amerikane në Tiranë, ka njoftuar se lista e fituesve të Lotarisë Amerikane nuk do të shpallet në datën 1 maj, siç ka ndodhur zakonisht.
Këtë vit përgjigjet për Lotarinë Amerikane do të mund të kontrollohen online në datë 15 maj 2018. Data është e vendosur nga Departamenti Amerikan i Shtetit.
Duke filluar nga 15 maji 2018, për të parë nëse janë përzgjedhur, të regjistruarit e DV-2019 do të mund të përdorin numrin e tyre unik të konfirmimit të dhënë në regjistrim duke kontrolluar online.
“Kontrolli i Statusit të Regjistruarve” do të informojë pjesëmarrësit e përzgjedhur se si të aplikojnë për vizën e Lotarisë për veten dhe anëtarët e tyre të familjes.
Departamenti gjithashtu do t’u konfirmojë të përzgjedhurve datat e tyre të intervistave për vizë nëpërmjet “Kontrollit të Statusit të Regjistruarve”.
