Ish-Miss Albania, Suada Sherifi ishte e ftuar sot në emisionin “Wake Up” në Top Channel, ku ndër të tjera foli edhe për profesionin e saj si notere. Suada ka licencën e noterisë dhe siç thotë, njerëzit janë shumë skeptik kur e marrin vesh.
Gazetarja Oriela Nebiaj ka treguar sot se është diplomuar për drejtësi së bashku me Suadën, por e ka pasur të pamundur të bëhej notere. Ajo i ka kërkuar Suadës që t’i tregojë se si ia ka dal, duke qenë se vendet janë të limituara.
“Noterët vdesin ndonjëherë. Vdekja është diçka biologjike dhe të gjithë jemi të zëvendësueshëm.”, u përgjigj Suada.
Ish-basketbollistja e pranoi se është e vetëdijshme që shumë njerëz e shikojnë me dyshim që ajo ka marrë licencën e noterisë, po i është dashur shumë punë dhe mund për ta arritur këtë.
“Basketbolli më ka ndihmuar shumë me disiplinën, me menaxhimin e kohës. Pasi punova si avokate, mora guximin ta provoja veten, bëra provimin e noterisë dhe ndonëse njerëzit janë skeptikë, ata nuk e dinë që unë në këtë provim kam dalë e dyta”, u shpreh ajo.
Ndër te tjera Suda tregoi se ndihet e përmbushur në jetën e saj.
“Unë i kam gjërat që dua, por rrugëtimi im nuk ka qenë kaq i lehtë, ka qenë plot sakrifica si rrugëtimi i të gjithëve, plot lodhje dhe duke hequr dorë nga shumë kënaqësi të moshës”, tregoi ndër të tjera ish-misi.
