Këngëtarja Juliana Pasha ka vendosur që ta shpall vet e para fituesin e festivalit të RTSH-së për këtë vit. Ai do të na përfaqësojë në Eurosong-un e ardhshëm.
Festivali do të mbahet në Pallatin e Kongreseve në datat 21, 22 dhe 23 dhjetor. 23 këngëtarë dhe grupe konkurrojnë për të marrë çmimin e parë.
Në një postim në “Instagram” Juliana i ka uruar këngëtarit të saj të preferuar suksese dhe “të tronditë skenën e Eurovizion-it”. Pavarësisht se ka shumë miq që konkurrojnë në këtë festival, Juliana e ka zërë zgjedhjen e saj, Eugent Bushpepaj.
“Je vokali më i bukur mashkullor pa diskutim. Të uroj me zemër fitore në ‘Festivalin e Këngës’ në RTSH. Uroj që zëri yt ta tronditë skenën e Eurovizionit.
Një pjesë e madhe e artistëve që marrin pjesë në Festivalin e Këngës janë miqtë e mi. Nuk do të ishte e ndershme të filloja ti shpërndaja të gjithë vetëm prej miqësisë. Me pastërti i uroj të gjithëve suksese (në veçanti dy mikeshave të mia @ikonomimariza @orgesazaimi ??) por ky interpretim fantastik ma mori zemrën që me dëgjimin e parë. @eugentbushpepa ?????? Jam e bindur se po kështu (në mos më i fuqishëm) do të jesh edhe live, në skenën e Festivalit.”, ka shkruar Juliana në krahas videos që ka postuar në “Instagram”.
