Brad Pitt dhe Jennifer Lawrence janë dy nga yjet më të mëdhenj të Hollywood-it. Dhe ndoshta janë duke krijuar një nga romancat më të mëdha në botën e “showbiz”-it.
Aktori 54-vjeçar ka “gjetur gruan e ëndrrave të tij” te aktorja 27-vjeçare, sipas revistës “Star”.
Sipas një burimi për revistën: “Brad dhe Jennifer kanë qenë duke shijuar shumë netë të vona së bashku. Ka një lidhje intensive mes tyre!”.
Lawrence u nda kohët e fundit nga regjisori 48-vjeçar Darren Aronofsky pas një viti lidhje, kështu që ajo është beqare dhe e gatshme për një marrëdhënie të re.
Pitt ka qëndruar nën hije që pas ndarjes nga gruaja e tij Angelina Jolie, në shtator të 2016-s.
Sipas tabloidit ai ka qenë i interesuar prej disa kohësh për aktoren dhe duket se ia doli pasi kjo e fundit u nda nga partneri.
Një burim ka thënë: “Brad ia kishte vënë syrin Jennifer-it prej vitesh”.
Burimi: Daily Mail
