Nicole Kidman së fundmi i është nënshtruar një transformimi dramatik për rolin e saj të ri. Ajo njihet për aftësitë e saj prej kameleoni, pasi fitoi çmimin Oscar për portretizimin e Virginia Woolf në vitin 2003, në filmin “The Hours”.
Nicole Kidman është fotografuar në ditën e dytë të xhirimeve të trillerit të ri, “Destroyer”, në Los Angeles, të martën.
50-vjeçarja kishte vënë makijazh në mënyrë që t’i afrohej sa më shumë rolit që do të luante. Aktorja, e cila dallohet për flokët bionde, thuajse nuk njihej me “look-un” e saj të ri, me flokë të shkurtër ngjyrë kafe.
Filmi “Destroyer” tregon historinë e një policeje, që u bashkua me njerëzit me të cilët punonte dikur, gjatë një detyre të fshehtë.
Burimi: Marie Claire
