Pasi kishin punuar për 4 vjet së bashku, Kim Kardashian ka pushuar nga puna asistenten e saj.
Por Stephanie Shepherd duket se nuk është prekur fare nga ky vendim, pasi u fotografua duke pushuar për qejfin e saj në Miami, Florida, të dielën.
Vajza e cila punonte si zyrtare operative e markës së produkteve kozmetike të Kardashian, tregoi figurën e saj fantastike, e veshur me bikini të zeza.
Edhe pse nuk punon më për Kim, Stephanie dukej sikur kishte marrë stilin e ish-punëdhënëses.
Ylli i Instagramit, që ka 955 mijë fansa, shfaqi hiret e saj me rroba banjot e zeza dhe të pasmet e formuara, të cilat të kujtojnë Kim Kardashian.
Kim e mori vetë vendimin për ta pushuar nga puna. Ajo ishte një ndihmëse e mirë, por kur Stephanie donte të kalonte në një rol më të madh në markën e Kim dhe bizneset e saj, thjesht nuk funksionoi.
Kim ia dha asaj mundësinë, por pas një periudhe të shkurtër u bë e qartë se Stephanie thjesht nuk kishte njohuri për të marrë një rol të tillë. Kim mori një vendim ekzekutiv për të ndarë rrugët.
Këtë vit, Stephanie kaloi nga asistentja ekzekutive tek zyrtarja kryesore operative e markave të Kim Kardashian – sigurisht një nga pozicionet më të lakmuara në industrinë emocionuese të reality show-t. Por fatkeqësisht nuk ia doli.
