Anxhela Peristeri rrëmbeu çmimin e parë në festivalin “Kënga Magjike” me baladën “E çmendur”. Gjithashtu ajo u vlerësua edhe me çmimin si vokali më i mirë femëror i festivalit.
Një emocion i pa provuar më parë nga Anxhela. E dehur nga suksesi i “Këngës Magjike”, këngëtarja simpatike ka reaguar dje me anë të një postimi në “Instagram”. Ajo ka treguar eksperiencën e saj të parë tek “Kënga Magjike”, ku i është dashur të përballet me dështimin e mos kualifikimit në natën finale. Pavarësisht këtij fakti ajo nuk u step për të marrë pjesë përsëri në këtë kompeticion, dhe ja ku është sot “mbretëresha” e “Këngës Magjike”.
“Kur u ktheva nga Greqia gjëja e parë që doja të bëja ishte të merrja pjesë në festivalin “Kënga Magjike”! E Bëra. Nuk u futa në finale dhe kam qarë pa fund atë natë. E kam dashur këtë festival që në fillim. Që para largimit tim kam qenë dy herë pjesëmarrëse. Sot që jam fituese e këtij festivali dhe është viti i 4 rresht që marr pjesë, nuk i përshkruaj dot emocionet e mia. @arditgjebrea të falënderoj nga zemra për këtë produksion gjigand muzikor që na ke dhuruar! E dija që me këtë këngë do arrija në majë sepse është vërtetë një material shumë cilësor dhe i dashur për mua. “, ka shkruar Anxhela në “Instagram”.
