Vëllai i ish-deputetit socialist, Arben Ndoka, Aleksandër u gjet i pajetë mëngjesin e sotëm në lagjen “Nënë Tereza”, në Lezhë. Trupi i viktimës është gjetur rreth orës 04:25, brenda një Mitsubishi, me targa AA 382 SE.
Sipas të dhënave të policisë, 48-vjeçari Ndoka është vrarë me armë zjarri nga persona ende të paidentifikuar. Aktualisht, grupi hetimor nën drejtimin e Prokurorit ndodhet në vendin e ngjarjes, ku po vijojnë hetimet për zbardhjen e plotë të saj.
Janë ngritur pika kontrolli, si dhe po bëhet pastrimi i zonës me qëllim kapjen e kapjen e autorëve.
Në vendngjarje janë dërguar edhe dy grupe të FNSH-së së Shkodrës. Aleksandër Ndoka ka qenë anëtar i Këshillit Bashkiak në Bashkinë e Lezhës.
