“Çfarë po bën tani? Po merrem me internetin”! Kjo është përgjigjja që do të marrim nga pjesa më e madhe e njerëzve në këto momente. Pavarësisht se po shkruani mesazhe me dikë në “Whatsapp”, po bëni një telefonatë me video në “Facebook” apo po dëgjoni një këngë në “Youtube”, të gjithëve ju bashkon interneti.
Një muaj më parë “Facebook” tha se kishte 2 miliardë përdorues aktivë në muaj. Kjo do të thotë se në çdo moment të caktuar, 25% e popullsisë së tokës qaset në “Facebook”.
Po sikur të imagjinoni për një moment se çfarë ndodh në internet brenda 1 minute?
Grafiku tregon shtrirjen e madhe të shërbimeve e-commerce, rrjeteve sociale, email-it dhe aplikacioneve të tjera.
Në universin e medias sociale nuk ka barriera. Konkurrenca për përmbajtje e ka çuar internetin në një drejtim tjetër. Çdo minutë publikohen 452,200 statuse në “Twitter”, kryhen 900,000 hyrje në “Facebook” dhe bëhen 3.5 milionë kërkim në “Google”.
Popullsia e botës është sot 7.4 miliardë, kur 3.7 miliardë janë përdorues të internetit dhe 2.7 miliardë përdorues aktivë të medias sociale.
Burimi: Business Insider
