Një këngë mund të prekë shumë, për më tepër kur i kushtohet dhimbjes dhe sfidave që kaluan shqiptarët për një jetë më të mirë dhe në rrugën drejt lirisë, 26 vite më parë.
Ishte muzika e zgjedhur për kërcimin e Iljardit dhe Rudina Dembacajt ajo që emocioni të gjithë jurinë e “Dance With Me”.
Një nga këngët më zemërthyese dhe të prekshme për të gjithë shqiptarët, që u përpoqën të largoheshin nga Shqipëria me anije, është ajo e Ardit Gjebreas, “Jon”.
“Do të doja ta shmangia këtë emocionin e fortë. Nuk e di pse më prek kaq shumë”, tha Valbona Selimllari e përlotur.
Kënga e Gjebreas mban fjalë kaq të forta, të dedikuara për të birin Jon, i cili erdhi në jetë në një kohë shumë të vështirë.
Burimi: Iconstyle.al
