Nëse ka një opinionist që e kemi parë në televizion të pranishëm për të diskutuar për çdo lloj teme, ai është Preç Zogaj. Pavarësisht se flitet për numrin e aborteve në Shqipëri, për dashurinë, për marrëdhëniet seksuale apo për aktualitetin politik, Zogaj është pjesë e panelit të emisionit “Opinion”.
Dhe të gjithëve na ka bërë përshtypje ky fakt. I ftuar në “Thumb”, Preç Zogaj, është shprehur se është ekzagjeruar paksa me këtë pjesë dhe ka sqaruar arsyen.
“Unë kam kontratë me emisionin “Opinion”, por është bërë paksa legjendë. Unë marr pjesë kur trajtohen tema të politikës, por Blendi më thërret kur flitet edhe për tema sociale, aty ku çdo autor ka diçka për të thënë”, u shpreh Preç Zogaj.
