Ajo është shtatzënë dhe në pak muaj do të bëhet nënë për herë të parë. Por dhembshuria për fëmijët, nuk i ka lindur tani që po pret të bëhet me vajzë. Që 7 vite më parë, Zaimina Vasjari ka treguar anën e saj të ëmbël dhe të dhembshur, përpos asaj seksi për të cilën qëndron hpeshherë në titujt kryesorë të mediave.
Në disa foto të publikuara nga Gazeta Shqiptare, Zaimina shfaqet me një look shumë ndryshe nga sot dhe me foshnjë në dorë. Ishte 20 Maj, Dita kombëtare e fëmijëve jetimë, me rastin e së cilës u organizua një drekë me pjesëmarrjen e shumë personazheve VIP, për të qenë sa më pranë këtyre fëmijëve.
Zaimina ka qëndruar me ta shumë pranë, madje dhe kanë kënduar së bashku. Si vajzat por edhe djemtë e vegjël, e shihnin atë si një princeshë që kishte ardhur pranë tyre si një dhuratë. Cilido prej tyre ka marrë një autograf nga vajza bukuroshe, qoftë ky tek kapelja, qoftë tek bluza, apo edhe në krahë apo duar. Një ditë ndryshe ka qenë kjo për Zajminën, ku këtë herë ka qenë në qendër të vëmendjes si një imazh sensibilizues në shërbim të fëmijëve në nevojë.
Tani që shohim këto foto, e themi me siguri se Zaimina do të jetë një nënë shumë e mirë.
