Këngëtarja me origjinë shqiptare, Anita Latifi kërkoi 250 mijë euro për të mos treguar në media për një abort që nuk kishte ndodhur asnjëherë. Këngëtarja rrezikon dënimin deri me burg nga gjykatat gjermane në betejën gjyqësore mes saj e futbollistit të Milanit, Hakan Çalhanoglu.
Mes Anitës dhe Hakan-it ka pasur një romancë të shkurtër në periudhën kur futbollisti luante me Hamburgun. Sipas provave të siguruara nga gjykata gjermane Latifi ka telefonuar pas ndarjes përmes një personi tjetër përfaqësuesit e futbollistit duke i kërkuar shumën në fjalë në këmbim të heshtjes në media për abortin e fëmijës.
Në fakt, gjykata thotë se nuk është provuar në asnjë moment që Anita Latifi të ketë mbetur ndonjëherë shtatzënë me Çalhanoglu.
Vetë lojtari ka pranuar se ka patur marrëdhënie me këngëtaren, por thotë se “është treguar i kujdesshëm”.
