Ndër reperat e Babastars, pas Getoarit, më i përfoluri për jetën private ka qenë Majk. Ndarja nga e dashura Majlinda Zeka, ardhja në jetë e fëmijës së tij të parë Roan dhe më pas fotot kur dyshja shihej së bashku, këto ishin temat më të përfolura.
Çifti u përfol për një ribashkim të mundshëm pasi Majk pranoi atësinë e të birit, por shumë shpejt zërat u shuan. Vetë reperi mohoi të ishte bashkuar me Majlindën, ndërsa u shpreh se, “lidhja të re mundet të kem”.
Dy ditë më parë, reperi festoi ditëlindjen e tij të 27-të, por askush nuk ka kuptuar asgjë për këtë ditë të veçantë. Vetë Majk është nisur drejt Selanikut për të festuar, por nuk ka qenë vetëm.
Siç duket edhe në këtë foto të Prive, këngëtari është parë duke shëtitur rrugëve të Selanikut me një vajzë, së cilës i ka hedhur edhe dorën në qafë. Duket që Majk ka nisur një histori të re, të cilën do ta ruajë për vete. Kjo arratisje romantike drejt Selanikut, në fakt, nuk ka zgjatur, meqenëse reperi i është kthyer sot grupit në koncert.
Më pas ditën e djeshme, Majk publikoi një foto dhe video ku njoftoi se ndodhej në Bruksel.
