Një tjetër çift i njohur shqiptar i kanë dhënë fund lidhjes së tyre. Edhe pse kishte kohë që përflitej për një ndarje të mundshme mes moderatores Bora Zemani dhe Dj Vin Velit, deri më sot gjithçka ishte në kuadër të thashethemeve.
Por burime për Revistën “Who” bëjnë me dije se çifti janë ndarë. Sipas tyre, dyshja ka marrë vendimin për t’i dhënë fund marrëdhënies disa vjeçare, nga e cila kanë dhe një djalë.
Kohë më parë, ishte Bora ajo që e mohoi lajmin e ndarjes duke thënë se gjithë zërat janë thashetheme. Duket se asnjëri prej të dyve nuk e ndjek më tjetrin në rrjete sociale, duke shtuar edhe më shumë kështu dyshimet rreth fundit të marrëdhënies.
