Valbona Selimllari prej 4 vitesh është pjesë e jurisë së “Dance with Me”. Me shumë dashuri dhe me ëmbëlsinë që e karakterizon ish-Miss Shqipëria i vlerëson çiftet në kërcim me pikët më të mira të mundshme duke i nxitur kështu që punojë edhe më shumë për të përmirësuar performancat e tyre të çdo të hëne.
Anëtarja e jurisë këtë të hënë nuk u rezistoi tingujve të valles së Tropojës duke dhuruar për publikun një kërcim në skenën e madhe të spektaklit të vallëzimit.
“Në fakt unë vallen e Tropojës e dua shumë”: tha Valbona.
Një kompliment të veçantë për Selimllarin e pati edhe prezantuesja Alketa Vejsiu.
“Kur del ti në ekran ndërron moti, ndërron koha, ikën shiu, del dielli pastaj ylberi…” : u shpreh Alketa me entuziazmin që e karakterizon
Muzika folklorike shqiptare dominoi këtë mbrëmje në “Dance with Me”, me rastin e festave të 28 dhe 29 Nëntorit.
