Nuk ka rëndësi nëse ndodheni brenda apo jashtë Shqipërie, ju mjafton një kompjuter ose një celular, për të parë në 3D çdo qytet, pikë turistike, bar apo restorant, që ndodhet në vendin tonë.
Këtë udhëtim virtual e ka mundësuar “Welcome Albania”, një aplikacion i ri, i cili iu mundëson të shihni destinacione virtuale, të njihni bukuritë e Shqipërisë kudo, plazhet e saj, malet, lumenj e pika turistike, dhe të prenotoni nga jashtë apo brenda vendit çdo hotel apo restorant.
Qindra njerëz mundën të shikonin Shqipërinë nga Brukseli mbrëmjen e së shtunës. Të mbledhur në sheshin Shën Katerina, aty ku kreu i Bashkisë së Tiranës, Erion Veliaj dhe ambasadorja jonë në BE, Suela Janina, promovuan aplikacionin, ata patën përvojën më fantastike.
Reagimi më emocionues ishte ai i një burri të moshuar që arriti të gjejë shtëpinë e tij në Rrugën e Dibrës, përmes syzeve VR. I emocionuar, burri nuk ndalte së bërtituri teksa shihte shtëpinë e tij dhe iu bë zemra mal, që falë kësaj teknologjie, arriti të shihte nga larg dhe të çmallej me vendlindjen.
Ku ta shkarkoni aplikacionin:
Përmes shkarkimit të aplikacionit (Këtu) ose vizitës në faqen e internetit http://www.welcomealbania.com ju mund të bëheni pjesë e kësaj nisme për të promovuar Shqipërinë. Këshillojani miqve tuaj brenda dhe jashtë vendit dhe shpërandajeni për të rritur mundësitë që vendi ynë të jetë një ndër top vendet më të vizituara në Ballkan nga turistët e huaj.
Përvoja bëhet edhe më reale kur aplikacionin e lidh me një palë syze VR dhe të mund të bësh një shëtitje 360 gradë cep më cep të Shqipërisë, pa u çuar fare nga krevati.
