Arian Çani i ftuar në emisionin “Why not” të Roza Latit foli për jetën e tij private, karrierën dhe nuk mundi t’i devijonte edhe pyetjes se sa paguhet.
Ai ka pranuar se ka një rrogë shumë të lartë, por nuk ka pranuar të japë një shifër.
“Rroga ime është shumë e lartë, nuk do preferoja ta thosha fiks shifrën, por është një rrogë shumë e mirë sepse është një emision komercial i cili ka çmime shumë të mëdha dhe ka shumë sponsera, kështu që normalisht është shumë e lartë. Unë nuk dua ta them, jo për sekret, por problemi është se kjo nuk ka ndonjë rëndësi. Unë do ta bëja po njësoj edhe po mos të kisha këtë rol, nuk ka lidhje me lekët.”: u shpreh Çani.
Moderatori i njohur tregoi ndër të tjera se në fillimet e tij nuk ka bërë asnjë gjë për para duke shtuar se nuk është natyrë materialiste dhe për të është e rëndësishme që diçka të dal mirë dhe e ka pasion se paratë janë vetëm për të plotësuar disa dëshira në fund të ditës.
“ Nuk jam natyrë materialiste. Leku hyn në punë për të shijuar ca gjëra, por kaq. Realisht, nuk kam filluar për lekë. Unë e bëj me pasion dhe kur i bën gjërat me pasion një ditë vjen leku.”: rrëfeu Arjan Çani.
