Laura Nezha i është kthyer më në fund muzikës pas 6 vitesh mungesë. Rikthimi i saj në “Kënga Magjike” me këngën “Je dashuri” u komentua nga të gjithë sidomos për kërcimin super seksi me të cilën ajo u prezantua.
Së fundmi, Laura në një intervistë për “Lart e poshtë” ka treguar se pavarësisht angazhimit të saj muzikor, rolin parësor në jetën e saj e ka teatri. Ajo do të vijë së shpejti për artdashësit në rolin e lesbikes në një shfaqje teatrale.
“Do të bëj role që sfidoj veten dhe i radhës është në shfaqjen ‘Shërbëtorja’ ku unë duhet të luaj rolin e një vajze të izoluar, që ka trysni të forta madje i duhet të ndryshoj edhe drejtimin seksual”: ka thënë Laura.
Gjithashtu ajo është pyetur edhe nëse do të pranonte të luante një rol ku të shfaqej lakuriq dhe ajo e ka kundërshtuar.
“Nuk e kam parë të arsyeshme dhe nuk mendoj se është zgjedhje e përshtatshme.”: është shprehur Laura.
