Olta Boka ka folur për herë të parë për lidhjen e saj me djalin e një deputeti shqiptar, me të cilin u fotografua pak kohë më parë gjatë pushimeve në plazh. Lidhja e saj me djalin e deputetit të LSI-së Shezai Rrokaj, Iv, u zbulua në verë, por Olta ka heshtur gjatë kësaj kohe duke mos dashur ta bëjë publike.
“Mua më pëlqen të jem e sinqertë dhe jo vetëm me familjen, por kam zgjedhur të jem e sinqertë edhe me publikun. Është mësuar se unë tashmë jam në një marrëdhënie dhe kam treguar që jam në një marrëdhënie. Por sa u përket detajeve, nuk kam dashur të flas, duke respektuar partnerin që kam në krah dhe disa parime që kam unë si artiste. Pavarësisht kureshtjes, mendoj që do të ishte më e shëndetshme nëse respektohet kjo pjesë…”, tha Olta ndër të tjera.
E kursyer për të rrëfyer më shumë për lidhjen e saj të dashurisë, Olta tha se ajo e kupton kureshtjen e publikut për të ditur më shumë për personazhet e njohur, por megjithatë është e vendosur dhe, si artiste, nuk do të zgjedhë kurrë të fitojë vëmendje me jetën private, por vetëm me përkushtimin dhe punën për profesionin e saj.
Olta me vëllain për të promovuar këngën e re
