Emri i tij nuk është aq i njohur në Shqipëri, sesa në Amerikë. Aktori me origjinë nga Shkodra, Niko Pepaj, ka nisur karrierën e tij prej kohësh përtej oqeanit.
Niko ka luajtur në disa filma amerikanë si: “How to Get Away With Murder”, “Aëkëard”, “Bosch”, “Web Atlas”, “Daytime Divas” etj.
Ai ka lindur në Shkodër, por është rritur në Detroit, Michigan. Në moshën 14- vjeçare Niko u zhvendos në San Diego, Kaliforni ku në vitin 2009 u diplomua në “Canyon Crest Academy”.
Pas shkollës Niko u shpërngul në Los Angeles ku filloi karrierën si model duke u bërë imazh i shumë reklamave.
Ajo që na u deshë vite për ta mësuar është fakti se, 26-vjeçari ka qenë gjithashtu protagonist në klipin e Selena Gomez “A year without rain” të 2010-s.
Niko ka luajtur rol kryesor në filmin “My Super Psycho Sweet 16”, më pas mori famë me rolin në serialin “Bunheads”, “How to Get Away With Murder” etj. Roli i tij i fundit ishte në serialin “Daytime Divas”.
Niko ka një tatuazh me shqiponjë në krahë ndërsa shpeshherë në “Instagram”-in e tij poston imazhe ku tregon se ndihet krenar që është shqiptar.
Me fizikun me muskuj, Niko ka bërë për vete shumë fanse femra ndërsa në “Instagram” numëron mbi 60 mijë ndjekës.
