Një javë më parë, Bleona Qereti i habiti të gjithë kur vendosi të tregojë live sesi të rrisësh mundësinë për të pasur fëmijë edhe pasi kalon të 30-tat.
Ajo ndoqi metodën e ngrirjes së vezëve dhe këtë ua këshilloi të gjitha atyre femrave që kanë kaluar moshën ose që kanë prioritet karrierën.
Por me sa duket, Bleona nuk është e vetmja që ka ndjekur këtë metodë, për të mos humbur shansin për tu bërë nënë dhe pse vitet kalojnë.
Rita Ora thotë se ka menduar për bërë fëmijë që në moshën 20-vjeçare, por kur është duke shkuar 27-të, ende nuk e ka një të tillë.
Arsyet janë disa, por kryesore Rita thotë se është karriera dhe angazhimi profesional që ka. E megjithatë, për të shmangur çdo të papritur, Rita rrëfeu për herë të parë se ka ngrirë vezët.
“Më këshilloi doktori pak pasi kisha mbushur 20-vjeç. Nuk e kam thënë asnjëherë këtë dhe shumë mund të mendojnë se përse e kam bërë, pasi jam shumë e re, por doktori më këshilloi që të tregohesha e kujdesshme dhe përse të mos i ngrija”, deklaroi ajo për emisionin Sunrise.
