Modelja 32-vjeçare Chrissy Teigen është në pritje të fëmijës së dytë dhe nuk e nevojshme ta fshehë më. Barku i rrumbullakët ka filluar t’i duket.
Lajmin e ka dhënë vet modelja bukuroshe nëpërmjet një video në “Instagram”. Chrissy shfaqet së bashku me vajzën e saj, të cilën teksa po i tregonte barkun e pyet: ‘Luna, çfarë ka këtu”, e ndërsa ajo i përgjigjet me ëmbëlsinë e saj: “një bebe”.
Chrissy është martuar prej katër vjetësh më këngëtarin John Legend, në Liqenin e Como-s, Itali. Marrëdhënia e çiftit nuk ka qene gjithmonë e përkryer, ka pasur edhe ajo uljet dhe ngritjet e veta. Pak muaj më parë ishte vet modelja që rrëfeu se gjërat mes saj dhe John nuk po shkonin aq mirë, saqë ky i fundit kishte kërkuar divorcin, por modelja e kishte refuzuar. Ajo ka bërë gjithçka që kjo dashuri të mos merrte fund dhe rezultatin e dini tashmë.
Me sa duket lidhja e tyre është ristabilizuar dhe po presin të lumtur engjëllin e tyre të dytë.
