Spektakli “Dance with me” këtë të hënë u zbukurua nga prania e tre bebave, të cilët sollën një atmosferë këndshme. 3 bebat hynë në skenën e “Dance with me” dhe filluan të kërcenin në ritmet e muzikës “Gangam style”.
Kjo ishte një gjetje shumë e bukur e Alketës për të paralajmëruar fillimin e audicioneve për emisionin me fëmijë që do të nisë së shpejti në “Tv Klan”.
Moderatorja dhe producentja njoftoi se fëmijët që duan të bëhen pjesë e emisionit duhet të jenë 4 deri 9 vjeç. Informacionet e detajuara Alketa i bëri me dije edhe nëpërmjet një postimi në “Instagram”.
“Oh ç’më kanë kënaqur shpirtin këta super yje të vegjël dje, i patë sa të mirë ishin?
Mos harroni: Audicionet e Peter Pani! Këtë të enjte, ora 14:00 në Tv Klan! Mosha e fëmijëve 4-6 vjeç! Ju presim!
Fëmijët duhet të kenë aftësi të mira në komunikim! Do të jenë pjesë e një paneli fëmijësh që do pyesin dhe intervistojnë çdo javë politikane, këngëtarë, gazetarë, aktorë, personazhe publike që do kënaqen me pyetjet më origjinale që mund të drejtojnë ata dhe vetem ata; fëmijët!”: shkruan Alketa në “Instagram”.
